«Самұрық-Қазынада» «Адалдық алаңы» жобалық кеңсесі ашылды»

«Самұрық-Қазына» ҰӘҚ» АҚ-да Сыбайлас жемқорлыққа қарсы іс-қимыл агенттігі төрағасы Алик Шпекбаев пен Қордың төрағасы Ахметжан Есімовтің қатысуымен «Адалдық алаңы» жобалық кеңсесінің ашылуы өтті.

Жобалық кеңсе сыбайлас жемқорлық алғышарттарын жою, парасаттылық идеологиясын ілгерілету және Қор компаниялары тобының корпоративтік басқаруындағы қоғамдық бақылауды күшейту мақсатында құрылған.

Мемлекет басшысы «Samruk Business Forum» отандық кәсіпкерлерді қолдау форумы барысында Қор нысандарын 2025 жылға дейін тиімді және ашық жекешелендірудің міндетті құралы ретінде қоғамдық бақылауды атап өтті.

Бірлескен іс-шараларды талқылау барысында А.Есімов Қор мемлекеттің сыбайлас жемқорлыққа қарсы саясатын іске асыруға белсенді қатысып, сыбайлас жемқорлық тәуекелдеріне ұшырайтын барлық бизнес процестерге егжей-тегжейлі талдау жүргізетінін атап өтті. Холдинг осы салада үлкен тәжірибе жинақтады.

Қор басшысы атап өткендей, сатып алулар әрқашан ең сыбайлас жемқорлық саласы болып саналды. Қабылдаған шаралар бойынша аталған тәуекелдерді едәуір төмендетуге мүмкіндік берілді.

Қазіргі уақытта «Самұрық-Қазына» тобының барлық сатып алулары бірыңғай электрондық жүйеде ашық түрде жүзеге асырылады, бұл тапсырыс беруші мен өнім берушінің тікелей байланысын болдырмайды. Кез келген адам сатып алу жоспарларымен, тендерлер қорытындыларымен және жасалған шарттармен таныса алады.

«Бір көзден сатып алуды өткізу үшін барлық негіздер түбегейлі қайта қаралды. Осының есебінен тек соңғы жылдары бір көзден сатып алу 5 есе қысқарып, бәсекелі сатып алу саны 6 есеге артты. Бұл бизнес үшін олардың ашықтығын қамтамасыз ете отырып, бәсекелестік ортаны едәуір кеңейтуге мүмкіндік берді» — деді А.Есімов.

2020 жылдың басынан бастап шарттарға электрондық түрде қол қоюға мүмкіндік беретін опция енгізілгенін атап өткен жөн. Сондай-ақ, орындалған жұмыстардың актілеріне қол қоюдың электрондық нысаны мен электрондық өтініштер модулі енгізілді, бұл тендерге қатысушыларға бұзушылықтар туралы өтініштерді Қорға онлайн режимде жіберуге мүмкіндік береді.

«Самұрық-Қазына» АҚ төрағасы Қор үшін маңызды міндеттердің бірі – жоғары білікті мамандарды ашық жалдауды қамтамасыз ету екенін атап өтті. Бұл үшін кандидаттарды іріктеудің, соның ішінде тәуелсіз тестілеу мен жеке қасиеттерін бағалаудың көпсатылы жүйесі енгізілді.

Бұдан басқа, Қорда түрлі мамандықтар бойынша отандық жоғары оқу орындарының үздік студенттерін іріктеуге мүмкіндік беретін «Жас Өркен» және «Цифрлық жаз» бағдарламалары табысты жұмыс істейді. Осы шаралардың нәтижесінде 2020 жылы кадрлардың ауысуы алдыңғы жылмен салыстырғанда екі есе азайды.

Өз кезегінде, Антикор басшысы А.Шпекбаев Қордың «Адалдық алаңы» жобалық кеңсесі аясында сыбайлас жемқорлыққа қарсы маңызды өзгерістерді бастауға және парасаттылықты насихаттауға ұмтылысын оң бағалады.

«Самұрық-Қазына» Ұлттық әл-ауқат қоры» «Адалдық алаңы» жобасының тәжірибесін қабылдаған қазигоссектор субъектілерінің арасында алғашқылардың бірі болып табылады және бұл Қор басшылығының корпоративтік парасаттылық қағидаттарын ұстануының дәлелі болып табылады. Оны күшейту үшін алдын-ала ведомстволық жүйені құру өте маңызды. Бұдан басқа, сыбайлас жемқорлықтың алдын алудың және корпоративтік парасаттылық стандарттарының сақталуын бақылаудың пәрменді тетігі Қор 2017 жылдан бастап енгізген сыбайлас жемқорлыққа қарсы тәуелсіз комплаенс-қызметтер, сондай-ақ пысықталып жатқан ISO 37001 сыбайлас жемқорлыққа қарсы стандарты болып табылады. Сыбайлас жемқорлықтың алдын алу жөніндегі тиімді шара қоғамдық кеңестер құру, сатып алу жөніндегі комиссияларға қоғам өкілдерін қосу, еншілес ұйымдарда сыбайлас жемқорлыққа қарсы комплаенс-қызметтерді ашу және оларды корпоративтік университетте оқыту болады. Сондай — ақ, квазимемлекеттік сектор субъектілерінің сыбайлас жемқорлық үшін сатып алулар мен жобалық қаржыландыруға жауапты тұлғалардың шеңберін кеңейтілгеніне назар аударамын», — деп атап өтті А.Шпекбаев.