Қоршаған ортаның тазалығы – елдің мәдениеті мен азаматтардың жауапкершілігін көрсететін маңызды өлшемдердің бірі. Туған жерді таза ұстау, табиғатты қорғау және қоғамдық орындарға ұқыпты қарау – әр адамның күнделікті әдетіне айналуы қажет.
«Таза Қазақстан» жалпыұлттық экологиялық бастамасы аясында елді мекендерді абаттандыру, аулалар мен көшелерді тазалау, ағаш отырғызу, көгалдандыру және қоршаған ортаны қорғауға бағытталған түрлі жұмыстар жүргізілуде.
Мұндай шаралардың негізгі мақсаты – тек белгілі бір аумақты тазалау емес, тұрғындардың экологиялық мәдениетін қалыптастыру. Өйткені тазалықты сақтау бір күндік акциямен шектелмеуі керек.
Әрбір азамат қоқысты белгіленбеген жерге тастамау, табиғи ресурстарға ұқыпты қарау, қоғамдық орындарды таза ұстау арқылы қоршаған ортаны қорғауға өз үлесін қоса алады.
Таза көше, таза аула, таза табиғат – жайлы өмір сүру ортасының кепілі.
Тазалық – өзімізден басталады. Таза Қазақстанды бірге қалыптастырайық!
«ТАЗА ҚАЗАҚСТАН» – ТАЗАЛЫҚТАН БАСТАЛАТЫН ҮЛКЕН МӘДЕНИЕТ
