
Кітап оқу – тек білім алудың жолы ғана емес, ұрпақтан ұрпаққа жалғасатын рухани құндылықтарды сақтаудың маңызды тетігі. Кітап арқылы адам өткен тарихты танып, бүгінгі өмірді түсініп, болашаққа көзқарасын қалыптастырады.
Отбасында кітап оқу дәстүрін қалыптастыру баланың дүниетанымын кеңейтіп, сөздік қорын байытуға және ізденімпаздық қасиетін дамытуға ықпал етеді. Ата-ананың кітапқа деген қызығушылығы балаға үлгі болып, оқуға деген сүйіспеншілікті арттырады.
Бүгінгі цифрлық заманда да кітаптың тәрбиелік және танымдық маңызы төмендеген жоқ. Керісінше, сапалы әдебиет оқу адамның ойлау қабілетін дамытып, ақпаратты терең түсінуіне көмектеседі.
Кітап оқитын отбасы – білімге ұмтылған ұрпақтың, ал кітап оқитын ұлт – рухани бай қоғамның негізі.
Кітапты бірге оқиық, білімді бірге қалыптастырайық!


