Ескелді ауданының орталығы, Қарабұлақ ауылында «Нұрлы Жер» бағдарламасы бойынша 60 пәтерлі жалгерлі тұрғын үйдің құрылысы басталмақ, деп хабарлайды ТалғарАқпарат өңірлік коммуникациялар қызметіне сілтеме жасап.
Қазіргі уақытта мердігер «Global Contraction» ЖШС-мен келісім шарт жасалуда, барлық рәсімдер аяқталғаннан сон құрлыс жұмыстары басталады. Жобаның сметалық құны 648.0 млн. теңге, оның ішінде — 406.0 млн теңге Республикалық бюджеттен тұрғын үйдің құрлысына бөлінді.
60 пәтерлі үйді салуға және инженерлік-коммуникациялық желілер құрылысының объектілеріне жобалау-сметалық құжаттама дайындалды. Олардың барлығы сараптамадан өтті. Барлық құрылыс жұмыстары ағымдағы жылдың желтоқсан айында аяқталып, 60 отбасы тұрғын үймен қамтамасыз етіледі.
Талғар-ақпарат
