«Таза Қазақстан» республикалық экологиялық акциясы – қоршаған ортаны қорғауға, елді мекендердің санитарлық тазалығын қамтамасыз етуге және тұрғындардың экологиялық мәдениетін қалыптастыруға бағытталған маңызды бастама. Акция аясында еліміздің барлық өңірлерінде тазалық жұмыстары, абаттандыру және көгалдандыру шаралары жүйелі түрде ұйымдастырылуда.
Таза әрі көрікті қоршаған орта – әрбір азаматтың өмір сүру сапасына тікелей әсер ететін маңызды фактор. Осыған байланысты тұрғындардың, кәсіпкерлердің, мемлекеттік мекемелердің, еріктілердің және қоғамдық ұйымдардың бірлесіп атқарып жатқан жұмыстары елді мекендердің келбетін жақсартуға зор үлес қосуда.
«Таза Қазақстан» акциясы аясында көшелер мен саябақтар, аулалар, өзен-көлдердің жағалаулары және жол жиектері қоқыстан тазартылып, ағаш көшеттері отырғызылып, қоғамдық орындарды абаттандыру жұмыстары жүргізілуде. Мұндай игі шаралар табиғатты қорғаумен қатар, тұрғындардың туған жерге деген жанашырлығын арттырып, экологиялық жауапкершілікті нығайтады.
Қоршаған ортаның тазалығы – тек сенбілік кезінде ғана емес, күнделікті өмір салтына айналуы тиіс. Әрбір азамат қоқысты арнайы орындарға тастап, қоғамдық орындардың тазалығын сақтап, табиғатқа жанашырлықпен қараса, өңіріміздің экологиялық ахуалы жақсарып, елді мекендеріміздің көркі арта түседі.
Таза аула, таза көше, таза ауыл мен қала – баршамыздың ортақ еңбегіміздің нәтижесі. Сондықтан әрбір тұрғынды «Таза Қазақстан» экологиялық акциясына белсенді қатысып, туған өлкеміздің тазалығы мен көркеюіне өз үлесін қосуға шақырамыз.
Таза табиғат – жарқын болашақтың кепілі. «Таза Қазақстан» акциясына белсенді қатысып, туған жерімізді бірге көркейтейік!