Талғар ауданы әкімдігінде республикалық «Ұлы Ана» байқауына қатысқан Алатау және Бесағаш ауылдық округтерінің аналары аудан әкімінің орынбасарының қабылдауында болды. Кездесу барысында қоғамдағы ана мәртебесін көтеруге, отбасы құндылықтарын насихаттауға және ұрпақ тәрбиесіне қосқан үлестері үшін бірқатар аналар «Ұлы Ана» медалімен және Алғыс хаттармен марапатталды.
Бұл шара – аналардың еңбегін бағалап қана қоймай, олардың қоғамдағы ерекше орнын айқындайтын тағылымды кездесу болды. Қазақ халқы ежелден ананы ерекше құрметтеген. «Анаңды Меккеге үш рет арқалап апарсаң да, ақ сүтін өтей алмайсың» деген дана сөз ананың бала алдындағы орнының қаншалықты биік екенін көрсетеді. Ана – өмір сыйлаушы ғана емес, ұрпақтың бойына адамгершілік, мейірімділік, еңбекқорлық пен отансүйгіштік қасиеттерді дарытатын алғашқы тәрбиеші. Әрбір азаматтың тұлға болып қалыптасуында ананың еңбегі орасан зор.
Бүгінде мемлекет тарапынан отбасы институтын нығайтуға, көпбалалы аналарды қолдауға және ана мәртебесін арттыруға ерекше көңіл бөлінуде. «Ұлы Ана» байқауы да осы игі мақсаттардың бірі болып табылады.
Республикалық «Ұлы Ана» байқауы – ұлттық құндылықтарды дәріптеуге, өнегелі аналардың тәжірибесін насихаттауға және отбасы тәрбиесінің маңызын арттыруға бағытталған жоба. Байқауға қатысушы аналар өздерінің өмірлік тәжірибесімен бөлісіп, отбасы тәрбиесіндегі жетістіктерін көрсетеді. Олар балаларын тәрбиелеудегі ізгі қағидаларды, ұлттық салт-дәстүрлерді сақтаудағы еңбектерін көпшілікке таныстырады. Осындай жобалар арқылы қоғамда аналарға деген құрмет артып, жас отбасыларға үлгі болатын өнегелі тұлғалар танылады. Бұл ұрпақ тәрбиесі мен отбасы құндылықтарын нығайтуға оң әсер етеді.
Талғар ауданы әкімдігінде өткен қабылдау ерекше құрмет пен ізеттің көрінісі болды. Кездесу барысында аудан әкімінің орынбасары республикалық байқауға қатысқан аналарды құттықтап, олардың қоғамдағы рөліне жоғары баға берді. Шарада аналардың отбасы мен қоғам алдындағы еңбегі ерекше атап өтілді. Ұрпақ тәрбиесіне жауапкершілікпен қарап, ұлттық құндылықтарды сақтап, отбасылық берекені нығайтып жүрген аналарға алғыс айтылды. Кездесу жылы әрі еркін форматта өтіп, қатысушылар өз ойларын ортаға салды. Аналар отбасы тәрбиесіндегі тәжірибелерімен бөлісіп, қазіргі қоғамдағы ана рөлі туралы пікір алмасты.
Ана тәрбиесі – ұлт тәрбиесі
«Бір қолымен бесікті, бір қолымен әлемді тербеткен ана» деген сөз бекер айтылмаған. Болашақ ұрпақтың қандай болып қалыптасуы көбіне ананың берген тәрбиесіне байланысты. Ана баланың бойына адалдықты, әділдікті, үлкенді сыйлауды және кішіге қамқор болуды үйретеді. Осы қасиеттер кейін қоғамның дамуына ықпал ететін маңызды құндылықтарға айналады. Қазақ қоғамында аналар әрқашан ұлттың рухани тірегі саналған. Олар отбасының бірлігін сақтап, ұрпақтар сабақтастығын қамтамасыз етіп келеді. Сондықтан аналардың еңбегін бағалау – ел болашағына деген құрметтің белгісі.
Берік отбасы – мықты мемлекеттің негізі. Отбасында қалыптасқан тәрбие қоғамның дамуына тікелей әсер етеді. Отбасында сыйластық, жауапкершілік және өзара қолдау болса, қоғам да тұрақты әрі өркендеген болады.
Бүгінгі таңда отбасы құндылықтарын сақтау мәселесі ерекше өзекті. Ақпараттық технологиялар дамыған заманда балаларға дұрыс тәрбие беру, ұлттық дәстүрлерді насихаттау және рухани құндылықтарды сақтау маңызды міндеттердің бірі болып отыр. Бұл тұрғыда аналардың атқаратын рөлі ерекше. Олар отбасының берекесін сақтап қана қоймай, қоғамдағы ізгілік пен адамгершілік құндылықтардың дамуына үлес қосады. Алатау және Бесағаш ауылдық округтерінен қатысқан аналардың марапатталуы – олардың көп жылғы еңбегіне көрсетілген құрмет. «Ұлы Ана» медалі мен Алғыс хаттары олардың қоғам алдындағы еңбегінің жоғары бағаланғанын білдіреді. Осындай аналардың өмір жолы жас ұрпаққа үлгі болып табылады. Олар өз еңбегімен, тәрбиесімен және өмірлік ұстанымдарымен көпшілікке өнеге көрсетіп келеді.
Марапат иелері тек өз отбасыларының ғана емес, бүкіл қоғамның дамуына үлес қосып жүрген жандар ретінде құрметке лайық.
Талғар ауданы әкімдігінде өткен кездесу ана еңбегін ұлықтауға арналған маңызды шара болды. Республикалық «Ұлы Ана» байқауына қатысқан аналардың марапатталуы – олардың қоғамдағы мәртебесін арттырып, отбасы құндылықтарының маңызын тағы бір мәрте айқындады. Ана – мейірімнің, даналықтың және өмірдің символы. Ұлттың болашағы тәрбиелі ұрпаққа байланысты болса, сол тәрбиенің негізін қалайтын да – ана. Сондықтан аналарды құрметтеу, олардың еңбегін бағалау және отбасы құндылықтарын дәріптеу әрдайым маңызды болып қала береді.
Г.Тұрлыбекова