
Қазақстан Республикасының Конституциясы – мемлекеттің құқықтық негізін айқындайтын және қоғам өмірінің басты қағидаттарын бекітетін маңызды құжат.
Ата Заң азаматтардың құқықтары мен бостандықтарын қорғауға, заң алдындағы теңдікті қамтамасыз етуге және қоғамдық келісімді нығайтуға бағытталған. Конституцияда мемлекеттің құрылымы, билік жүйесінің қызметі, азаматтардың құқықтары мен міндеттері нақты белгіленген.
Әрбір азаматтың өз құқығын білуі және заң талаптарын құрметтеуі – құқықтық мәдениеттің негізгі көрсеткіші. Ал заңды сақтау мен өзгенің құқығына құрметпен қарау қоғамдағы әділдік пен тұрақтылықтың нығаюына ықпал етеді.
Конституция – барша азаматты ортақ құндылықтар төңірегіне біріктіретін, елдің бірлігі мен болашағына қызмет ететін басты құқықтық тірек.
Ата Заңды құрметтеу – елді, құқықты және ортақ жауапкершілікті құрметтеу!


