Бүгінгі жастар – өзгерістің негізгі қозғаушы күші. Мемлекет басшысының бастамасымен жүзеге асып жатқан «Таза Қазақстан» экологиялық акциясына жастар ұйымдары, студенттер мен еріктілердің белсенді қатысуы соның айқын дәлелі.
Қазіргі таңда жастар тек қоқыс жинап қана қоймай, заманауи эко-жобаларды, қалдықты қайта өңдеу идеяларын ұсынып келеді. Олар әлеуметтік желілерде эко-челенджтер ұйымдастырып, өзгелерге үлгі болуда. Таза қоршаған ортада өмір сүру – жас буынның саналы таңдауы. «Таза Қазақстан» бастамасы жастардың отансүйгіштік сезімін арттырып, туған жерге деген сүйіспеншілігін іс жүзінде көрсетуге мүмкіндік беріп отыр.