Заң мен тәртіп – қауіпсіз әрі тұрақты қоғам қалыптастырудың басты негіздерінің бірі. Қоғамдағы әрбір азамат өз құқықтары мен міндеттерін біліп, белгіленген талаптарды сақтаған кезде ортақ жауапкершілік пен өзара құрмет қалыптасады.
Құқықтық мәдениет тек заң талаптарын орындаумен шектелмейді. Ол – өзгенің құқығына құрметпен қарау, қоғамдық тәртіпті сақтау, қауіпсіздік ережелеріне жауапкершілікпен қарау және кез келген мәселені заң аясында шешуге ұмтылу.
Тәртіпті қоғам әр азаматтың күнделікті әрекетінен басталады. Сондықтан заңды сақтау – мемлекет алдындағы ғана емес, өзіміздің және айналамыздағы адамдардың қауіпсіздігі үшін де маңызды міндет.
