2026 жылғы 28 қазандағы Қазақстан халқына Жолдауында Мемлекет басшысы Қасым-Жомарт Тоқаев су ресурстарын тиімді пайдалану және су тапшылығының алдын алу мәселесіне ерекше назар аударды.
Су – тек тұрмыстық қажеттілік емес, ауыл шаруашылығының, өнеркәсіптің және бүкіл экономиканың тұрақты дамуына тікелей әсер ететін стратегиялық ресурс.
Жолдауда осы бағыт бойынша бірқатар нақты міндет белгіленді:
💧 Суды үнемдеу. Су ресурстарын тиімді пайдалану қағидаларын барлық салада сақтау қажеттігі атап өтілді.
💧 Бақылауды күшейту. Үкімет пен әкімдіктерге су пайдалану тәртібін қадағалап, су желілеріндегі шығындарды азайту тапсырылды.
💧 Тарифтік реформаны жалғастыру. Су пайдалану саласындағы тарифтік өзгерістерді соңына дейін жеткізу міндеті қойылды.
💧 Цифрлық есепке алу. Су ресурстарының нақты көлемін бақылау үшін цифрлық құралдарды кеңінен енгізу қажеттігі айтылды.
💧 Ұлттық ақпараттық жүйе. Үкіметке Су ресурстарының ұлттық ақпараттық жүйесін құру жұмысын жедел аяқтау тапсырылды.
Бұл бастамалардың маңызы зор. Өйткені суды бүгіннен бастап ұқыпты пайдалану – ертеңгі азық-түлік қауіпсіздігіне, ауыл шаруашылығының тұрақтылығына және халықтың өмір сапасына әсер етеді.
Су ресурстарын қорғау тек мемлекеттік органдардың міндеті емес. Әрбір азаматтың суды үнемдеп пайдалануы да ортақ нәтижеге үлес қосады.
Судың қадірін білу – болашақ ұрпақ алдындағы жауапкершілік!








