Облыста 2156 нысанға құрылыс жұмыстары жүргізілуде. Оның ішінде мектептер, балабақшалар, тас жолдар, тұрғын үйлер және тағы да басқа нысандар бар. Жалпы облыстық мемлекеттік сәулет-құрылыс бақылау басқармасының ықпалымен 230 әкімшілік құжаттарға іс қозғалды, деп хабарлайды ТалғарАқпарат коммуникация қызметіне сілтеме жасап.
Нәтижесінде құрылыс саласында заң бұзушылық орын алғандықтан 38 құрылыс бастаған адамдар кінәлі деп мойындалды және 10-ға жуық ірі нысандар бұзылады. Оның құрамында қызмет көрсету нысандары бар, яғни қонақ үйлер, мейрамханалар, ТЖО және сауда орталықтары. Сонымен қатар, басқарманың арнайы бақылауында жол бойындағы құрылыстар бар.
«Бұзылатын ғимараттардың көпшілігі жобалық-сметалық құжаттарсыз,техникалық қадағалаусыз, авторлық қадағалаусыз және ешқандай құрылыс ұйымдарын құлағдар етпейді. Әлеуметтік объектілер мен көпқабатты үйлерді салу саласында көптеген бұзушылықтар анықталды. Мысалы, сапасыз құрылыс және тексеру жұмыстарын жүргізу кезінде әкімшілік жауапкершілікке 10 ұйым әкелінді», — деп қорытындылады облыстық сәулет-құрылыс бақылау басқармасының басшысы Абдыбеков Данияр.
Талғар-ақпарат
