Талғар ауданының жастар ресурстық орталығының қызметкерлері Талғар медициналық колледжінің жатақханасында жастармен кездесу өткізді. Кездесу барысында Талғар ауданының жастар ресурстық орталығының жетекшісі З.Қалымбетова 5-наурызда жарияланған «Президенттің бес əлеуметтік бастамасы» атты Үндеуінің үшінші бастамасы бойынша, яғни: «Жоғары білім алудың қолжетімділігі мен сапасын арттырып, студент жастардың жатақханадағы жағдайын жақсарту» мəселесін жанжақты талқылап, жастардың көкейінде жүрген сұрақтарға жауап берді. Сондай-ақ, колледждің жастар ісі жөніндегі комитетінің мүшелері (КДМ), жатақхана президенті, колледж студентті Л.Бахытова да ойын ортаға салып, үшінші бастама бойынша ұсыныс-тілектерін жеткізді. Кездесу соңында жастарда пікірлерін білдіріп, жаңа əлеуметтік бастамалар қоғамымыздың əлеуметтік бірлігін нығайтуға жəне əрбір қазақстандықтың əл-ауқатын ары қарай жақсарта түсуге бағытталғанына қуанышты екендіктерін жеткізді.
Олжас Батырханов
Аудандық жастар ресурстық орталығының кеңесшісі
