Ағымдағы жылы «Транспаренси Интернешнл» ұйымының 2017 жылғы Сыбайлас жемқорлықты анықтау индексі ресми жарияланды. Оған сәйкес Қазақстан 31 ұпай жинап, әлемнің 180 елінің арасында 122 орынды иеленді. Бұл 2016 жылмен салыстырғанда өзінің көрсеткішін 2 ұпайға және 9 позицияға жақсартты, деп хабарлайды ТалғарАқпарат Өңірлік коммуникациялар қызметіне сілтеме жасап.
Бұл туралы өңірлік коммуникация қызметі алағында ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Алматы облысы бойынша департаменті басшысының орынбасары Данияр Сабырбаев баяндады.
Сыбайлас жемқорлықты анықтауда 1999 жылғы көрсеткіш ең жоғарғы болып есептеледі. Бұдан басқа есептеу кезінде 9 халықаралық рейтингтік агенттіктер зерттеулерінің нәтижелері ескеріліп, оның 6-ы бойынша елімізде сыбайлас жемқорлық қарсы іс-қимыл көрсеткіштерінің жақсаруы байқалуда.
«Мемлекеттік қызметтердің ашықтығынын арқасында біз осындай нәтижелерге қол жеткіздік. Бүгінгі күні біз Алматы облысының мемлекеттік органдарының мемлекеттік қызметтердің 342 түрі бойынша қызметіне талдау жүргіздік. Нәтижелері Этика кеңесінің отырысында талқыланды. Биыл облыстың кейбір аудандарында арнайы ХҚКО құру жоспарланып отыр», — дейді Д.Сабырбаев.
Сондай-ақ, күні кеше халықаралық деңгейдегі жағымды жаңалық жария етілді. Қазақстан Республикасының 2015-2025 жылдарға арналған сыбайлас жемқорлыққа қарсы Страгетиясы қазіргі заманғы сыбайлас жемқорлыққа қарсы саясаттың негізін қалады. Атап айтсақ, бұқаралық ақпарат құралдарында жарияланымдар арқылы сыбайлас жемқорлықты қоғамның қабылдамау ахуалын қамтамасыз ету және қазақстандықтардың белсенді азаматтық ұстанымдарын қалыптастыру, сыбайлас жемқорлыққа қарсы іс-қимыл мәселелері бойынша халықаралық ынтымақтастықты дамыту сұрақтарын жүзеге асыру.
Талғар-ақпарат
