Бүгінде көптеген мәселені интернет арқылы шешеміз: ақпарат іздейміз, сатып аламыз, ақша аударамыз. Осы мүмкіндіктермен бірге цифрлық ортада сақтық таныту қажеттілігі де артып отыр.
Алаяқтар өзін банк қызметкері, таныс адам немесе белгілі бір ұйымның өкілі ретінде таныстырып, жеке мәліметтерді алуға тырысуы мүмкін.
Ал қаржы пирамидалары көбіне жоғары әрі жылдам пайда табуға қызықтырып, адамды жаңа қатысушылар тартуға бағыттайды.
Сондықтан интернетте кез келген ұсынысты тексеріп, асығыс шешім қабылдамаған жөн.
🔐 Құпия кодты ешкімге айтпаңыз.
🔐 Банк картасының деректерін бөгде адамға бермеңіз.
🔐 Күмәнді сілтемелерді ашпаңыз.
🔐 «Оңай ақша» туралы ұсыныстарға сенбес бұрын ақпаратты зерттеңіз.
Цифрлық сауаттылық — өз қаражатыңды қорғаудың бір жолы.