Туған жердің тазалығы мен қоршаған ортаны қорғау – әрбір азаматтың азаматтық борышы. «Таза Қазақстан» жалпыұлттық экологиялық бастамасы қоршаған ортаны қорғауға, елді мекендердің тазалығын сақтауға және экологиялық мәдениетті қалыптастыруға бағытталған.
Бүгінде еліміздің барлық өңірінде тазалық жұмыстары, абаттандыру шаралары, ағаш отырғызу және қоршаған ортаны қорғауға арналған түрлі экологиялық акциялар ұйымдастырылуда.
Мұндай бастамалардың басты мақсаты – тек көшелер мен қоғамдық орындарды тазалау ғана емес, тұрғындардың табиғатқа деген жанашырлығын арттыру және қоршаған ортаға жауапкершілікпен қарау мәдениетін қалыптастыру.
Тазалық – бір күндік науқан емес, күнделікті өмір салты болуы тиіс. Әрбір адам өз ауласын таза ұстап, қоқысты белгіленген орынға тастап, табиғи ресурстарды ұқыпты пайдаланса, туған өлкеміздің көркеюіне үлес қосады.
Таза орта – жарқын болашақтың кепілі. Қазақстанның тазалығы әрқайсымыздың ісімізден басталады!
