Қоғамдағы тұрақтылық пен қауіпсіздікті қамтамасыз етудің басты шарттарының бірі – заң мен тәртіпті сақтау. Заң үстемдік құрған мемлекетте әрбір азаматтың құқығы қорғалып, қоғамдық келісім мен жауапкершілік нығаяды.
«Заң мен тәртіп» қағидаты – тек құқық қорғау органдарының міндеті емес, ол бүкіл қоғамға ортақ жауапкершілік. Әрбір азамат қоғамдық орындарда тәртіп сақтау, өзгенің құқығын құрметтеу, заң талаптарын орындау арқылы қауіпсіз орта қалыптастыруға үлес қоса алады.
Құқықтық мәдениетті арттыру, жастар арасында заңға құрмет сезімін қалыптастыру және құқық бұзушылықтың алдын алу – бүгінгі күннің маңызды міндеттерінің бірі.
Заңды құрметтеу – өзіңді, өзгені және қоғамды құрметтеу. Тәртіп бар жерде тұрақтылық, ал жауапкершілік бар жерде сенім болады.
