Пхёнчхандағы Олимпиада ойындарында әйелдер арасында могул сайысы аяқталды, — деп хабарлайды alatau-zhuldyzy.kz ҰОК ресми сайтына сілтеме жасап.
Қазақстандық фристайлшы Юлия Галышева финалда 77.40 ұпай жинап, жарысты үшінші орында аяқтады. Осылайша, жерлесіміз ел тарихында тұңғыш рет қысқы Олимпиада ойындарында фристайлдан жүлде алды.
— Өте қуаныштымын. Бұл менің бірінші Олимпиада жүлдем. Барлықтарыңызға алғыс айтамын — командама, еліме, жанкүйерлеріме. Кеше жүлделі орынға ілінетінімді сезген едім (күлді). Сынған қолым Олимпиада медалін алу үшін қосымша мотивация берді, — деді Галышева.
Ал Олимпиада алтыны франциялық Перрин Ляфонтқа бұйырды — 78.65 ұпай. Күміс жүлдені канадалық Жюстин Дефюр-Ляпоинт иеленді (78.56. ұпай).
Естеріңізге сала кетсек, бұған дейін қазақстандық спортшылар қысқы Олимпиада ойындарында ешқашан фристайлдан жүлде алмаған.
Олимпиада ойындары — 2018. Пхёнчхан
Могул, әйелдер, суперфинал
1. Перрин Ляфонт (Франция) — 78.65
2. Жюстин Дефюр-Ляпоинт (Канада) — 78.56
3. Юлия Галышева (Қазақстан) — 77.40
4. Жакаре Энтони (Австралия) — 75.35
5. Бриттани Кокс (Австралия) — 75.08
6. Анди Науде (Канада) — DNF
Фото Данияр Майлыбаевтікі
Талғар-ақпарат
