Қазақ жері – көпэтносты, көпмәдениетті орта. Бұл жерде әр этнос өз мәдениетін, дәстүрін, тілін сақтап, дамытуға мүмкіндік алды. Елімізде жүйелі әрі нәтижелі түрде жүзеге асып келе жзатқан тіл саясаты елдегі тұрақтылық пен бірліктің басты кепіліне айналды.
Тіл – әр ұлттың мәдениеті мен тарихының айнасы. Ол арқылы халықтың дүниетанымы, салт-дәстүрі, өмірлік құндылықтары көрініс табады. Қазақстанда мемлекеттік тіл – қазақ тілі. Десек те өзге ұлт өкілдері де мемлекеттік тілге құрметпен қарап, қазақ тілін қуана үйреніп жатқанын біліп те, көріп те жүрміз. Бұл – еліміздің басты жетістіктерінің бірі.
Жыл сайын артып келе жатқан Қазақ тілін үйренуге деген қызығушылық, оның ішінде жастардың мемлекеттік тілді меңгеруге ұмтылысы қуантарлық жағдай. Бұл – ел болашағына деген сенімнің көрінісі.
Қазақстан халқы Ассамблеясының және этномәдени бірлестіктердің басты мақсаттарының бірі – елдегі этносаралық келісімді нығайту, ұлттық мәдениеттерді, оның ішінде тілдерді сақтау. Осы орайда, Талғар ауданындағы Корей этномәдени бірлестігі де өз үлесін қосуда. Біз өз ана тілімізді, мәдениетімізді ұмытпай, сонымен қатар қазақ тілін үйренуге, оны құрметтеуге ерекше мән береміз.
Тіл – халықтың рухани қазынасы. Оны сақтау, дамыту – әр азаматтың парызы. Қазақстандағы әрбір этнос қазақ тілін меңгеруге талпынса, бұл еліміздің бірлігі мен тұрақтылығын одан әрі күшейте түседі.
Цой Ровик Викторович,
Талғар ауданындағы Корей этномәдени бірлестігінің төрағасы
