- Жалпы ережелер
- Қазақстан халқы тілдері күні және А.Байтұрсынұлының туған күніне орай, Талғар ауданына қарасты балабақшалар арасында аудандық «Тәрбие басы — тіл» атты онлайн байқауы 2023 жылдың 08 тамыз – 08 қыркүйек айлары аралығында өткізіледі (бұдан әрі – Байқау).
- Байқаудың мақсаты:
Мемлекеттік тілдің мәртебесі, маңызы туралы түсінік беру. Сан ғасырлар бойы халықтың өзімен бірге жасасып, ұрпақтан-ұрпаққа мұра болып қалып жатқан ауыз әдебиетінің бай саласының бірі — қазақ тілін ұрпақтың бойына сіңіре білуге және туған жерін сүюге, қадірлеуге, бағалап мақтан етуге тәрбиелеу.
- Байқауды өткізу тәртібі:
- Байқаудың ұйымдастырушысы – Талғар ауданының ішкі саясат, мәдениет, тілдерді дамыту және спорт бөлімі болып табылады.
- Байқаудың ережесі бұқаралық ақпарат құралдарында және Бөлімнің интернет-ресурсында, әлеуметтік желілерде орналастырылады.
- Байқау онлайн түрде ұйымдастырылғандықтан әр қатысушы шартқа сай тапсырмаларды бір бейнероликке түсіріп, kultura_talgar@mail.ru эл.поштасына жіберуі керек немесе қатысушы тарап, міндетті түрде түсірілген бейнероликті әлеуметтік желілерге жүктеп, Мәдениет Бөлімі (фейсбук) аккаунтын белгілеулері тиіс.
- Байқауға ауданға қарасты барлық мемлекеттік және жеке меншік балабақшалар қатысуы қажет.
- Байқаудың шарттары:
- «Өнер алды қызыл тіл» тілге қатысты тақпақ айту
- «Өнерлі өрге жүзер» өз өнерін көрсету (ән айту, би билеу, сурет салу, қол өнер т.б.).
- Байқаудың жеңімпаздары мен жүлдегерлері арнайы дипломдармен, алғыс хаттармен және сыйлықтармен марапатталады.
Анықтама үшін:
Талғар қаласы, Қонаев көшесі № 65. Аудан әкімдігінің ғимараты 510-бөлім. Байланыс телефоны: 8 (72774)2-31-14, 2-38-89.
