Павлодарское ауылының кондитерлері шоколад пен ваниль қосылған, салмағы 40 келі, биіктігі 1,5 метр торт әзірлемек, — деп хабарлайды pavlodarnews.kz тілшісі. Ауыл көрінісі бейнеленген кондитерлік өнім жуырда ашылған шаңғы базасында 18-ақпан Масленица мерекесінде таныстырылады. Павлодарское ауылының әкімі Аждар Жүсіповтің айтуынша, торттың бағасы шымкенттік тортпен салыстырғанда арзанырақ – 60 мың теңге. Барлық шығынды ауыл әкімдігі тапқан демеушілер жабады. Торттан ауылдың барлық тұрғындары мен қонақтары дәм тата алады. — Бұл торт шымкенттікке ұқсайды, дегенмен біздің тортты толығымен жеуге келеді, — дейді Аждар Жүсіпов. – Мерекелік тәттіні дайындауға 10 жылдық тәжірибесі бар ауыл тұрғындары жұмылдырылады. Павлодар ауылының көрікті орындары жергілікті әкімдікпен таңдалады. Шараға ауыл тұрғыны Ольга Гуляева жетекшілік етеді. Әзірге ол үйде торт пісіреді. Әкімдік жалға алу үшін ғимарат іздестіруде. Осы жерде кәсіпкерге Павлодар ауылының эксклюзивті торттарын шығаратын цех ашуға болатын еді.
Еске сала кетейік, қазнет қолданушыларын таң қалдырған сарай түріндегі тортты ресейлік шеберлер командасы дайындаған. Бұл жөнінде әлеуметтік желіде кондитерлік өнер бойынша Ресей чемпионы Ренат Агзамов жазған. Шымкенттік тойға арналған торттың диаметрі – үш метр, биіктігі – 4,2 метр. Әлеуметтік желі қолданушыларының пайымдауынша, бұл тәттінің болжамдық құны – 180 мың доллар.
