2020 жылдың 30 наурызында «Qatar Airways» әуе компаниясының Доха мен Нұр-Cұлтан қалалары арасында рейстің ашылу рәсімі өтеді, деп хабарлайды ТалғарАқпарат.
Бұл туралы ҚР индустрия және инфрақұрылымдық даму министрлігі ресми сайтында жариялады.
2020 жылдың 1 сәуірінде «Qatar Airways» әуе компаниясының Доха және Алматы қалалары арасында рейстің ашылу рәсімі өтеді, делінген сайтта.
Инаугурациялық рейстер Боинг-787 (Dreamliner) үлгісіндегі әуе кемесінде орындалатын болады.
«Qatar Airways» әуе компаниясы Доха қаласынан Нұр-Сұлтан қаласына аптасына 2 рейс жиілікпен және Алматы қаласына аптасына 4 рейс жиілікпен Эйрбас-320 үлгісіндегі әуе кемесінде тұрақты жолаушылар рейстерін орындайды.
Екі ел арасындағы рейстерге билеттерді сатуды бастау ағымдағы жылдың 16 қаңтарына жоспарланған.
Рейстің ашылуы қазақстандық жолаушыларға Qatar Airways авиакомпаниясының 160 бағытына сапар шегуге мүмкіндік береді.
Анықтама үшін:
Qatar Airways — Катардың ұлттық әуе компаниясы, әлемдегі ең ірі әуе компаниялардың бірі. Әуе кемелерінің паркі 233 ұшақтан тұрады. Әуетасымалдаушының басты транзиттік хабы Доха қаласындағы Хамад Халықаралық әуежайы болып табылады. 2018 жылдың қорытындысы бойынша әуе компания 29 млн жуық жолаушы тасымалдады.
Талғар-ақпарат
