Танымал дәрігерлер төтенше климаттық жағдайлар болашақ әлем бойынша денсаулық саласына үлкен қауіп төндіретінін айтты, деп жазады ҚазАқпарат The Guardian басылымына сілтеме жасап.
«Тропикалық медицина мен гигиена қауымдастығы алдағы 25 жылда жаһандық жылынуға дайындалуға қабілетсіздіктің медициналық салдары қауіпті болатынына алаңдаулы. Алдыңғы қатарлы медицина қызметкерлері болашақтағы жаһандық денсаулыққа климаттық дағдарыс ең үлкен қауіп төндіреді деп есептейді», — деп жазады автор.
Оның айтуынша, мұндай мәлімдеме жасаған әрі кедей мемлекеттерге тән тропикалық аурулар туралы жаңалықтар ашқан дәрігерлер үкімет пен денсаулық сақтау органдары жаһандық жылынудың салдарына дайындала алмайтынын айтқан.
«Мамандар жалған ақпарат пен ғылымға қарсы деректерге де алаңдаушылық білдіріп, олар денсаулық сақтау саласына қауіп төндіретінін айтқан. Қауымдастық мамандары денсаулық сақтау саласына төнетін мына қауіптерді бірауыздан атаған: миграцияның күшеюі, жаңа аурулар, климаттың тамақтануға әсері, инфекциялық аурулардың артуы», деп жазады автор.
Айта кету керек, «Адағы 25 жылда жаһандық денсаулық сақтау саласында не болады?» деп аталатын зерттеуде үкіметтер осы уақыт аралығында денсаулық сақтау саласына ерекше назар аудару керек екені айтылған.
Талғар-ақпарат
