Талғар ауданында экономиканың түрлі салаларын дамытуға бағытталған жобалар жүзеге асырылып, жаңа өндірістер мен жұмыс орындарын қалыптастыруға мүмкіндік берілуде.
Аудан бойынша қазіргі таңда 39 ірі инвестициялық жоба іске асырылуда. Олардың жалпы құны 704,7 млрд теңгені құрайды. Жобаларды жүзеге асыру нәтижесінде 8 396 жаңа жұмыс орнын ашу жоспарланған.
Инвестицияның артуы өндіріс пен кәсіпкерліктің дамуына ғана емес, аудан тұрғындары үшін жаңа еңбек мүмкіндіктерінің қалыптасуына да жол ашады. Әсіресе өңірдің көлік-логистикалық әлеуеті мен Алматы агломерациясына жақындығы жаңа жобаларды іске асыруға қолайлы жағдай қалыптастырады.
Бүгінгі инвестициялық жобалар – ертеңгі экономикалық өсімнің негізі. Жаңа кәсіпорындар, жұмыс орындары және заманауи инфрақұрылым ауданның әлеуметтік-экономикалық әлеуетін арттыруға өз үлесін қосады.
Талғардың дамуы – жаңа мүмкіндіктерге жол ашатын маңызды қадам.
