Табиғат – бәрімізге ортақ құндылық. Таза ауа, мөлдір су, жасыл желек – адам өмірінің сапасына тікелей әсер ететін маңызды дүниелер. Сондықтан қоршаған ортаны қорғау мәселесіне немқұрайлы қарауға болмайды.
«Таза Қазақстан» экологиялық бастамасы аясында еліміздің әр өңірінде тазалық жұмыстары, көгалдандыру және абаттандыру шаралары жүргізіліп келеді. Мұндай жұмыстардың нәтижесі бірден байқалғанымен, оның негізгі мақсаты одан да маңызды – адамдардың экологиялық мәдениетін қалыптастыру. (Государственные услуги)
Әсіресе жас ұрпаққа табиғатты қорғаудың маңызын түсіндіру қажет. Ағаш отырғызу, су көздерін ластамау, қоқысты сұрыптап жинау және табиғат аясында тазалық сақтау – үлкен өзгерістердің бастамасы бола алады.
Бүгін қоршаған ортаға жасаған қамқорлығымыз ертеңгі ұрпаққа қалады. Сондықтан табиғатты қорғауды тек акция немесе сенбілік кезінде ғана емес, күнделікті өмір салтымызға айналдырғанымыз дұрыс.
Туған жердің табиғатын сақтау – әр азаматтың ортақ міндеті. Табиғатқа деген құрмет – өз болашағымызға деген құрмет.