Мемлекеттік қызмет көрсетудің сапасы — мемлекеттік органдардың жұмысын бағалаудың басты өлшемі болып табылады. Мемлекеттік қызмет көрсету барлық саланы, соның ішінде азамат дүниеге келген кезден бастап барлық өмір сүру кезеңінде мемлекеттік қызмет көрсету бойынша мемлекетпен тығыз байланыста болатындығы белгілі
Көрсетілетін мемлекеттік қызметтер бойынша жаңа көзқарастарды қалыптастырып, негізінен қызмет алушы және азаматтардың құқықтары мен мүдделерін қорғауға бағытталған. Сонымен қатар, мемлекеттік қызмет алушы көрсетілген қызмет сапасымен қанағат тұтпайтыны, шағымдар болатынына байланысты, олардың құқықтары мен заңды мүдделерін қорғау мақсатында Заңда көрсетілетін мемлекеттік қызмет түрлеріне шағым беру тәртібіне қатысты нормалар енгізілген. Ал мемлекеттік қызмет көрсетудің сапасына бақылау жасау мен оны бағалау ҚР Мемлекеттік қызметкерлер агенттігіне және оның аумақтық құрылымдарына берілген. Яғни, уәкілетті органға қызмет беруші мен қызмет алушыға қанағаттанбау себебін анықтауға бағытталған кешенді зерттеулер жүргізу, мемлекеттік органдар тарапынан мемлекеттік қызметтер көрсетілу заңнамасын сақтамау, уақытылы бақыламау мен қызмет алушылардың шағымдарын толық әрі уақытылы қанағаттандырмау себептерін зерттеу жұмыстарын жүргізу міндеттелген.
Мемлекеттік қызметтерді көрсету кезінде халықтың құқықтарын, бостандықтары мен заңды мүдделерін сақтауды қамтамасыз ету белгілерінің бірі болып әкімшілік кедергілерді азайту, халыққа мемлекеттік қызметтерді көрсету тиімділігін арттыру және мемлекеттік қызметтерді сапалы көрсету болып табылады.
Қазақстан Республикасының ауыл шаруашылығы министрінің 2020 жылғы 1 қазанындағы №301 бұйрығымен бекітілген Мемлекеттік қызметті көрсету қағидалары негізінде электрондық және қағаз түрінде көрсетіледі.
Ауылдық округ әкімдігінің ғимаратында мемлекеттік қызмет көрсету түрлеріне арнайы тақта орналастырылған. Бүгінгі күні ауылдық округ әкімінің аппараты мелекеттік қызмет көрсету түрлерін ережелерге сәйкес көрсетіледі.
1.Жер учаскесінің нысаналы мақсатын өзгерту туралы шешім шығару ;
2.Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды алу ;
3.Жер учаскесін жеке меншікке ақысын бірден төлеп не бөліп төлеу арқылы сату ;
4.Елді мекендерде жеке құрылысын салу үшін жер учаскелерін беру түрінен ;
5.Уақытша өтеулі қысқа мерзімді жер пайдалану(жалға алу) құқығын ұзарту .
Egov.kz электрондық үкіметінің бұрышы арқылы «Талғар ауданының Алатау ауылдық округінің әкімі аппараты» мемлекеттік мекемесі арқылы 312 мемлекеттік қызмет көрсетілді(анықтама берілді, ЭСҚ алу,тұрғылықты жері бойынша тіркеу, ЖК ашу). Мемлекеттік қызметтер көрсету үрдісінің ашықтығын қамтамасыз ету мақсатында, халыққа мемлекеттік қызмет көрсету тәртібі туралы түсіндіру сондай-ақ тұрғындар тарапынан сұрақтар туғызатын басқа да өзекті тақырыптар бойынша тікелей эфирлер жүргізіліп және бұқаралық ақпарат құралдары арқылы мақалалар жылдық жоспарға сәйкес жарияланып отырады.
Әкім аппаратында мемлекеттік қызметтерді көрсету бойынша ұсыныстар мен шағымдар келіп түскен жоқ.
С.Оспанкулова,
Алатау ауылдық округі әкімі
аппаратының бас маманы
