Қасым-Жомарт Тоқаевты қолдау жөніндегі Республикалық қоғамдық штабтың өңірлердегі үгіт-насихат жұмысы Алматы облысында жалғасты.
Мұнда РҚШ мүшелері балалар клиникалық ауруханасының қызметкерлерімен кездесіп, кандидаттың сайлауалды бағдарламасында көзделген еліміздің денсаулық сақтау жүйесін жаңғырту бастамаларына тоқталды.
Кандидатымыздың бағдарламасына сәйкес алдағы уақытта елімізде медицина саласын дамытудың тұрақты моделі жасалады. 2027 жылы оны қаржыландыру деңгейі ішкі жалпы өнімнің 5 пайызынан кем болмайды. Сондай-ақ ауылдық жерде 700 жаңа медициналық нысан бой көтереді. 4 миллион ауыл түрғыны мамандандырылған және жоғары технологиялық медициналық көмекпен қамтылады.
Мұндай қадамдар ұлт денсаулығын жақсартуға жарқын жол ашатыны, отандастарымызға мол мүмкіндік беретіні белгілі. Сондықтан Қасым-Жомарт Тоқаевтың басым бағытының бірі – еліміздегі медицина саласын жаңғырту деп айтуға толық негіз бар. Сондай-ақ РҚШ мүшелері Алматы облысының жұртшылығы мен көпбалалы аналар, жергілікті жастармен жүздесіп, кандидатымыздың сайлауалды бағдарламасын егжей-тегжейлі түсіндірді.
Жасұлан АЙТҚАЛИЕВ,
Талғар ауданы маслихатының депутаты
